चूक होती....

पावसाला शोधणाऱ्या वादळाची चूक होती..
प्रेम जे मी समजले ती काळजाची चूक होती....

घरकुल तू वसविले करून मजला पोरके...
सांग मजला काय माझ्या आसवांची चूक होती...?

आलास माझ्या अंगणी सांजेसमवेत जेधवा...
ते तुझे चालणे की पावलांची चूक होती??

अर्पिले मी स्वताला तुझ्या मिठीत ज्या क्षणी..
ते तुझे हासणे की चांदण्याची चूक होती..??

राताराणीच्या कुशीतुनी कालही जी पहिली..
ती तुझीच गोड स्वप्ने की आठवांची चूक होती??

(Rasika 10 may 09)