तरीही

हाका दिल्या तुला मी,गेलीस तू तरीही

स्वप्नात आज माझ्या ,आलीस तू तरीही...

मी एकटाच गातो गाणे खुळ्या मनाने,

ऐकावया तयाला, यावेच तू तरीही...

माझ्या मनात होतो पाऊस आठवांचा,

चोरून चित्त माझे नेलेस तू तरीही...

शोधू मलाच कोठे,माझा न राहिलो मी

झाली दशा अशी कां,होतीस तू तरीही...

कां दूर दूर जाशी सोडून साथ माझी ?

होता पुरी प्रतीक्षा येतेच तू तरीही...

जाशील या भितीने ,चिंतेत रात गेली

ना एकरूप झालो, होतीस तू तरीही...

अरविंद