तू..

तू निर्मळ ओळख माझी,
तरी तुला मी अनोळखी असे...

तू मंद श्वास माझे ,
तरी मी नसे आयुष्य तुझे ...

तू अबोल भावना माझी ,
तरी मी नसे मनात तुझ्या ...

तू लाघवी हास्य माझे,
तरी मी नसे शब्दात तुझ्या ...

तू गोड गुपित स्वप्न माझे,
तरी मी नसे भास तुझे...

तू कोमल स्पर्श माझा ,
तरी मी नसे आधार तुझा ...

तू आनंदी क्षण माझे ,
तरी मी नसे दुखात तुझ्या ...

तू मोहक आठवण माझी,
तरी मी नसे आठवणीत तुझ्या ...

तू आहेस सर्वस्व माझे,
जरी मी असेन - नसेन तुझी ...


सोनाली.... स्वरचीत...